5 ойда 2,2 млн нафар ўзбекистонликлар туристик мақсадларда чет элга чиққан, Ўзбекистонга сафар қилувчилар сони эса 2,8 миллионни ташкил этмоқда
Статистика агентлиги маълумотларига кўра, 2024 йилнинг январь-май ойларида қарийб 2,2 млн нафар ўзбекистонликлар туристик мақсадларда чет элга борган.
Бу кўрсаткич ўтган йилнинг мос даври билан солиштирилганда 569,2 минг нафарга ёки 35,5 % га ошган.
Жорий йилнинг 5 ойида туристик мақсадларда чет элга кетган Ўзбекистон фуқароларининг мамлакатлар кесимида сони бўйича қўшни мамлакатлар етакчилик қилмоқда:
- Қирғиз Республикаси – 995,3 минг нафар;
- Тожикистон – 449,8 минг нафар;
- Қозоғистон – 322,5 минг нафар;
- Саудия Арабистони – 100,2 минг нафар;
- Россия – 86,5 минг нафар;
- Туркия – 63,9 минг нафар;
- БАА – 55,7 минг нафар;
- Қувайт – 16,5 минг нафар;
- Миср – 13,5 минг нафар;
- Жанубий Корея – 8,3 минг нафар;
- Бошқа давлатлар – 59,5 минг нафар.
Эътиборли жиҳати хорижлик сайёҳларни жалб қилиш учун миллиардлаб пуллар сарфланишига қарамай келаётган хорижликлар сони 9,6% га ортган.
Статистика агентлиги маълумотларига кўра, 2024 йилнинг январь-май ойларида 2,8 млн нафар чет эл фуқаролари туристик мақсадларда Ўзбекистон Республикасига ташриф буюрган.
Бу кўрсаткич ўтган йилнинг мос даври билан солиштирилганда 248,2 минг нафарга ёки 9,6 % га ошган.
Жорий йилнинг январь-май ойларида Ўзбекистон Республикасига туристик мақсадларда келган чет эл фуқароларининг сафар мақсадлари бўйича маълумот таҳлил қилинганда уларнинг асосий қисми қариндошларини кўришга келишганига гувоҳ бўлиш мумкин:
- қариндошларни йўқлаш — 2 миллион 237,4 минг
- сайёҳлик — 426,5 минг
- хизмат юзасидан — 68,4 минг
- тижорат — 51,5 минг
- даволаниш — 46,2 минг
- ўқиш — 7,4 минг.
Бундан кўринадики хориждаги тарғиботга кетказилаётган миллиардлар бор йўғи ярим миллионга яқин сайёҳни жалб эта олган холос.
Эслатиб ўтамиз, июнь ойи бошида мутасаддилар президентга ҳисобот бера туриб, бу йил 11 млн хорижий сайёҳни жалб этиш ҳамда туризм экспортини 2,5 млрд долларга етказиш имкони борлигини айтиб, режалари юзасидан ахборот берди.