Олти ой ичида Россия Федерацияси Ички ишлар вазирлиги 398 нафар, Россия фуқаролигини қабул қилган хорижликни содир этган жиноятлари туфайли фуқаролигидан маҳрум қилди. Бу ҳақда ТАСС хабар бермоқда.
Унга кўра, Россия фуқаролигини тугатиш тўғрисида 406 та қарор қабул қилинган, уларнинг 398 таси жиноий ҳуқуқбузарлик содир этганлик билан боғлиқ.
Россия Федерацияси томонидан берилган фуқаролик, давлат Жиноят кодексининг 64-моддасида назарда тутилган жиноятлар учун бекор қилиниши мумкин.
Ушбу моддада қуйидаги жиноятлар назарда тутилган: Россия армиясини обрўсизлантириш, саботаж, санкциялар киритиш ва тажовузкор уруш бошлаш, дезертирлик, ҳарбий хизматдан ва ўз вазифаларидан бўйин товлаш, жосуслик, давлатга хиёнат, давлат сирларини ошкор қилиш кабилар.
Шунингдек, жиноятлар рўйхати жинсий дахлсизлик, пул ёки қимматли қоғозларни қалбакилаштириш, гиёҳвандлик воситалари ва қурол-яроғларнинг ноқонуний айланиши билан боғлиқ ҳаракатлар, бандитизм, жиноий гуруҳни ташкил этиш ва жиноят иерархиясида юқори лавозимни эгаллаш билан боғлиқ бўлган айрим моддалар билан тўлдирилди.
Маълумот учун, Россия Федерацияси Жиноят кодексининг 64-моддасида назарда тутилган жиноятлар учун, жумладан, «дўст бўлмаган» хорижий ёки халқаро ноҳукумат ташкилотида ишлаш ҳам фуқароликдан маҳрум қилишга асос бўлади.