Бош прокуратура статистикасига кўра, Ўзбекистонда жорий йилнинг ўтган даврида 22 нафар мактаб ўқувчиси оила қурган. Бунда 41 нафар шахс маъмурий жавобгарликка тортилган.
Шунингдек, прокуратура органлари томонидан 55 та ҳолатда эрта никоҳларнинг олди олинган. Бунинг натижасида эрта туғруқ ҳолатлари ўтган йилнинг мос даврига нисбатан 10 нафарга камайган.
Вояга етмаганлар ўртасида жинсий муносабатларга киришиш натижасида эрта никоҳлар тузилмоқда. Бунда қиз ҳомиладор бўлади ва ота-она буни яшириш мақсадида тезроқ шаръий никоҳ ўқитишни ҳаракатига тушишади. Бундай ҳолатларга прокуратура органлари томонидан кескин қаралади ва аниқланган ҳолат бўйича прокуратура назорати ҳужжатлари қўлланилади”,
деди Бош прокуратура бошқарма катта прокурори Лайло Файзимуродова.
Унинг айтишича, бунда нафақат никоҳни ўқиган диний уламо, балки, ота-оналар ҳам маъмурий жавобгарликка тортилган.
Маълумот учун, Ўзбекистонда никоҳ ёши 18 ёшни ташкил қилади.