“Айрим оталар ишсизлик оқибатида алимент тўловларини ўз вақтида тўлай олмаяпти”, – Бош прокуратура.
Бош прокуратура органлари томонидан амалга оширилган қидирув фаолияти натижасида жорий йилнинг ўтган даврида қарздорлиги туфайли 4 минг 538 та жисмоний шахсларга нисбатан қидирув эълон қилинган.
Шундан 2768 нафари алимент тўловларидан бўйин товлаган фуқаролар ҳисобига тўғри келади.
Бу ҳақда бугун, 13 май куни Ахборот ва оммавий коммуникациялар агентлигида бўлиб ўтган матбуот анжумани давомида маълум қилинди.
“Содда қилиб айтганда келиб тушаётган 72.300 мингга яқин мурожаатларнинг 37.168 мингдан зиёди (51,4 фоизи) алиментга оид мурожаатлардир”,
дейилган Бош прокуратура хабарида.
Қай этилишича, оталар ишсизлик оқибатида алимент тўловларини ўз вақтида тўлай олмаяпти.
Натижада қарздорликни тўлаш истаги бўла туриб, бироқ иш ўрнига эга бўлмаган 9,5 мингдан ортиқ алимент тўловчиларнинг иш билан бандлиги масаласи ҳал этилган.
“Алимент бўйича 2.768 нафар фуқароларнинг 1.493 нафари чет элда, 1.275 нафари эса маҳаллий ҳудудларда экани маълум бўлган.
Қидирув тадбирлари давомида 1.126 нафар фарзандлари учун алимент тўламаган фуқаролар топилган.
Бундан ташқари, алимент тўлаш ҳақидаги суднинг ҳал қилув қарорини бажаришдан бўйин товлаган шахсларнинг 4.175 нафари маъмурий ҳамда 380 нафари жиноий жавобгарликка тортилган”,
дейилади Прокуратура хабарида.
Шу сабабли қарздорларни давлат ташкилотлари билан ҳамкорликда имконият даражасида ишга жойлаш чоралари кўрилаётгани айтилди.
“Алимент жазо эмас, балки бу – мажбурият ва бурчдир!”
дея ўз ахборотини якунлаган Бош прокуратура вакили.