Қарши шаҳридаги Президент мактаби битирувчиси хорижда 100 фоизлик грант асосида ўқишга қабул қилинди. Бу ҳақда мактаб маъмурияти маълум қилган.
«Мактабимизнинг 11-GREEN синф ўқувчиси Алишер Султонов АҚШда жойлашган Урсинус Коллежига 100 фоизлик грант асосида қабул қилиниб $240.000 Ақш доллар грант соҳиби бўлди»,- дея ёзилган хабарда.
Бундан ташқари, Алишер Султонов 45 та хорижий университетлардан жами миқдорда 5.212.000 АҚШ доллари миқдорда грант ҳам ютиб олган.
Мактаб ўқувчининг қабул қилинган ва грант ютган универстетлари рўйхатини илова қилар экан, унинг келгусидаги ўқиш ва ишларида омад тилаган.