Маданият вазири Озодбек Назарбеков Ўзбекистонда ижод аҳлининг муаллифлик ҳуқуқлари қай даражада таъминлангани ҳақида ўз фикрини билдирди. Унинг айтишича вазирлик ташаббуси билан Муаллифлик ҳуқуқини ҳимоя қилувчи палата ташкил қилинган. Аммо у етарли даражада ишламаяпти.
“Мен муаллифман. Лекин ишонинг, шу пайтгача муаллифлигимдан манфаатдор бўлмаганман шу пайтгача. Демак муаллифлик ҳуқуқи ҳали ишламаяпти Ўзбекистонда.
Сиз нима дейсиз, яқинда ўша палатадагилар бир маълумот олиб келишди, менинг халқаро майдондаги муаллифлик ҳуқуқим қанақадир Евгений деган одам номига расмийлаштирилган. Яъни бу муаммо шу даражада “столнинг устида” эмас. Бу соҳани яхши билган одам бемалол сизни ҳам мени ҳам алдаб ўтираверади”, – деди вазир.
Назарбековнинг айтишича, Ўзбекистонда муаллифлик ҳуқуқининг таъминланиши бу сифатни оширади.
“Кечирасизлар-у ҳозир санъаткорлар тўйдан манфаатдор бўляпти, пул топяпти, тўйда ижод қиляпти. Нима қилайлик энди, бу ҳам ихтиёр”, – деди Маданият вазири.