2023 йилда жами 1810 нафар Ўзбекистон фуқаролари чет элликлар билан никоҳ шартномасини қайд этган. Уларнинг 1051 нафари Мустақил Давлатлар Ҳамдўстлиги (МДҲ) мамлакатлари фуқаролари ҳиссасига тўғри келса, қолган 759 нафари бошқа хорижий мамлакат фуқароларидир.
Бу ҳақда Адлия вазирлиги Uzdiplomat.uz’га маълум қилди. Вазирлик ахборотига кўра, охирги уч йилда жами 5 444 нафар хорижликлар Ўзбекистон фуқаролари билан оила қурган.
- — 2022 йилда 1 521 та никоҳ қайд этилган. Шундан 593 таси узоқ давлат фуқаролари билан, қолган 928 таси МДҲ давлат фуқаролари билан қайд этилган.
- — 2021 йилда 2 113та чет эл фуқаролари билан никоҳ шартноси тузилган. Шундан 1 272 нафар ўзбекистонлик қизлар хорижий мамлакат фуқароларига тур чиққан ва 937 нафар хорижий мамлакат фуқароси бўлган қизлар Ўзбекистонга келин бўлган.
2021 йилги маълумотларга кўра, Ўзбекистонга асосан Тожикистонлик, Озарбайжон, Россия федерацияси, Қозоғистон қизлари келин бўлган. Ўзбекистонлик қизлар эса одатда Россия Федерацияси, Туркия, Кореа ва АҚШ давлатлари фуқароларига турмушга чиқади.
Маълумот учун, мазкур рақамлар фақат Ўзбекистоннинг ўзида қайд этилган рақамлар бўлиб, чет элларда Ўзбекистонликлар билан тузилган никоҳ шартномалари сони бўйича маълумот йўқ.