Хоразм вилояти Урганч шаҳридаги Thermo Plus савдо белгиси остида базальт изоляция маҳсулотларини ишлаб чиқараётган Khorezm Insulation Group корхонаси ўз тизимида сифат қандай таъминланишини намойиш этиш мақсадида танқидий постлари билан танилган журналист ва блогерларни таклиф этди.
Пресс-турда маълумот берилишича, фаолият бошланганига кўп вақт бўлмаган бўлса-да, базальт тошидан йиллик 30 минг тонна изоляция плиталари ишлаб чиқариш йўлга қўйилган. Корхона нафақат Ўзбекистон балки жаҳон бозорларига ҳам ўз маҳсулотларини тақдим этишни бошлаган бўлиб, Россия ҳамда қўшни давлатларга 10 миллион долларлик экспорт қилиш имконияти яратилган.
Таъкидланишича, корхонада асосий эътибор ишлаб чиқарилаётган маҳсулотларнинг сифат кўрсаткичлари бўйича жаҳон стандартларига мос бўлишига қаратилади. Лойиҳанинг умумий қиймати 41 миллион еврони ташкил қилади. Корхонанинг айнан Хоразм вилоятида ташкил этилишининг асосий сабаблари эса маҳаллий аҳолига бўш иш ўринларини яратиш ва вилоятнинг ресурс потенциалини оширишдир. Ишлаб чиқариш учун базальт хомашёси Қорақалпоғистон Республикасининг Қоратау тоғидан олиниши бунга қўшимча қулайлик яратади. Германия, Туркия ва Россия давлатларидан келтирилган замонавий ускуналар билан жиҳозланган ушбу корхонада ҳозирда маҳаллий аҳоли учун 200та янги иш ўринлари ташкил қилинган.
Уларнинг юқори руҳда ишлашлари учун барча керакли шароитлар яратилган, жумладан, ходимлар малакасини ошириш учун чет эллик мутахассислар томонидан ўқув тренинглари ташкил этилган. Лойиҳани амалга ошириш ишлари 2021 йилда бошланган. 2024 йилнинг феврал ойи охирида эса унга Ўзбекистон Республикаси Президенти Шавкат Мирзиёев ташриф буюриб, унинг фаолияти билан яқиндан танишди.
Пресс-тур давомида меҳмонлар ишлаб чиқариш жараёнларини яқиндан кузатишди, ходимлар билан танишиб, етакчи мутахассислар билан суҳбатлашишди. Маҳсулотлар сифати қай даражада синчковлик билан текширилишини ўз кўзлари билан кўришди.
Пресс-тур дастурида белгиланган яна бир манзил — базальт изоляция маҳсулотларидан фойдаланган ҳолда қурилаётган Янги Ўзбекистон массивлари ва мактаб ҳамда мактабгача таълим объектлари бўлди. Журналистлар ва блогерлар қурилиш ишлари билан танишиб, мутахассислардан ўзларини қизиқтирган саволларга жавоб олишди.
Маълумот учун, базальт изоляция плиталари ўзига хос техник хусусиятларга эга бўлиб, аналогик маҳсулотлардан тубдан фарқ қилади. Асосий афзалликлари эса унинг юқори иссиқлик сақлаш хусусияти ва узоқ йиллар давомида ўз таркиб ва хусусиятини йўқотмаслиги, электр энергиясини тежашидир. Мутахассислар таҳлилларига кўра, базальт изоляция плиталари билан қопланган бино тенг ярим, яъни 2 баравар кам электр сарфлайди. Қишнинг совуқ кунларида иситиш тизимларига ва ёз кунларида совитиш тизимларига бўлган талабни сезиларли қисқартиради.
Корхона ҳозирги кунда нафақат тижорат қурилиш объектлари учун, балки аҳоли уй-жойлари учун ҳам ўз маҳсулотларини етказиб беришни бошлаб юборган.
Қайд этиш жоизки, бугун бу ерда мавжуд бўлган ишлаб чиқариш салоҳияти корхонанинг юксак ижтимоий аҳамиятини тасдиқлайди.
Khorezm Insulation Group ахборот хизмати
📞 +998 55 516 01 01
📞 +998 90 150 00 00
1️⃣ Telegram 2️⃣ Instagram 3️⃣ Facebook
4️⃣ X(twitter) 📺 You tube 🌎 Veb-sayt
Реклама ҳуқуқи асосида