Ўзбекистон Бразилиянинг Embraer номли компаниясидан 2 та КC-390 ҳарбий юк самолётларини харид қилгани айтилмоқда. Бу ҳақда мудофаа саноатини ёритиб борувчи бразилиялик журналист Роберто Кайфа маълум қилди.
“Ўйлайманки, тез орада Ўзбекистонга иккита C-390 Миллениум самолётлари сотилгани ҳақида расмий маълумот берилади”,
деб ёзган у ўзининг Twitter саҳифасида.
Унинг айтишича, Бразилиянинг Савдо вазирлиги Экспортни молиялаштириш ва кафолат қўмитаси жорий йилнинг 25 апрель куни бўлиб ўтган йиғилишида Ўзбекистон ва АҚШга Embraer самолётларини экспорт қилиш сўровини тасдиқлагани ҳақида расмий хабар эълон қилган.
Маълумот учун,Embraer C-390 самолётлари яқинда Америка жуда машҳур C-130 Hercules’нинг ўрнини босди ва Португалия, Венгрия, Нидерландия, Австрия ва Жанубий Корея каби мамлакатларнинг ҳаво кучлари томонидан сотиб олинди.
Эслатиб ўтамиз, аввалроқ Ўзбекистон мудфаа соҳаси учун маҳаллий корхоналар томонидан ишлаб чиқарилаётган ҳарбий техникалар ҳақида хабар берган эдик.