Краснодарда ўзини Мудофаа вазирлиги ходими сифатида кўрсатган ва урушга сафарбарликдан қочишга уринган русларнинг пулларини ўғирлаган Ўзбекистон фуқароси қўлга олинди. Бу ҳақда Россия Ички ишлар вазирлигининг Краснодар ўлкаси бўйича Бош бошқармаси матбуот хизмати маълум қилган.
Маълум бўлишича, у 47 ёшда бўлган ва россияликларга Россия Федерацияси Мудофаа вазирлигининг юқори мартабали ходими деб таништирган. Шундан сўнг, у бир неча Россия фуқароларидан уларни урушга сафарбар қилмаслик эвазига пул ундирган.
“Эркак бир неча бор мулкий жиноятларда айбланиб, Россияда ноқонуний равишда қолиб кетган. Бундан ташқари, у ватанида содир этган жинояти учун федерал қидирувда бўлган.
Қўлга олинган шахсга нисбатан сохта ҳужжатлар тайёрлаш ва фирибгарлик моддалари бўйича янги жиноят иши қўзғатиш масаласи ҳал қилинмоқда”,
дейилади хабарда.
Қайд этилишича, Хавфсизлик хизмати ходимлари томонидан бунгача Украинанинг Волин вилоятида брон қилиш эвазига пул ундирган ҳарбий комиссарлар қўлга олинган бўлган.
Шунингдек, Россиянинг бошқа ҳудудида фирибгарлар ФСБ ниқоби остида россиялик аёлнинг ўғлини урушга сафарбар қилиш билан қўрқитиб, 1,5 миллион рубл пул ундириб олган вақтида ушланган.