Аммо Ўзбекистон томони бу ҳақда ҳеч нарса дегани йўқ.
Бортида Россия Федерацияси Ички ишлар вазири Владимир Колокольцев бўлган самолёт кеча, 24 июнь куни Тошкент аэропортига қўнган. Бу ҳақда Россия ИИВ матбуот хизмати хабар берди.
Қайд этилишча, Ўзбекистонга амалий ташриф билан келган вазирни Ўзбекистон Ички ишлар вазири Пўлат Бобожонов ва Россиянинг Ўзбекистондаги элчиси Олег Мальгинов кутиб олган.
Россия Ички ишлар вазирининг ташрифидан кўзланган мақсад ҳали очиқланганича йўқ. Аммо ташриф чоғида у қатор учрашувлар ўтказиши, Ўзбекистон Республикаси ИИВ Жамоат хавфсизлиги бошқармасининг Мувофиқлаштириш ва мониторинг маркази ва Ғалаба боғи ёдгорлик мажмуасига ташриф буюриши кутилмоқда.