Улар ИШИДга алоқадор бўлиб, одам контрабандаси, жангариларни ташиш ва улар учун ўқув лагерини яратишда иштирок этган.
АҚШ Туркия ҳукумати билан яқин ҳамкорликда “Ироқ ва Шом исломий давлати” (ИШИД, Ўзбекистонда тақиқланган) террорчилик гуруҳи фаолиятига алоқадор шахсларга нисбатан санкциялар жорий қилди. Бу ҳақда АҚШ молия вазирлиги матбуот хизмати хабар берди.
“Қўшма Штатлар ИШИД билан алоқадор тўрт шахсга, жумладан, гуруҳга алоқадор одам контрабандаси тармоғи аъзоларига нисбатан санкциялар жорий қилди. Текширув ва кейинги ҳаракатлар бир вақтнинг ўзида ички чораларини кўраётган Туркия ҳукумати билан яқин ҳамкорликда олиб борилди. ушбу тармоққа қарши”,
дейилади вазирлик баёнотида.
Санкция рўйхатига “Исломий давлат” (Ўзбекистонда тақиқланган) билан алоқадор одам контрабандаси тармоғи фаолиятида иштирок этган Ўзбекистон фуқароси Олимхон Маҳмуджон ўғли Исмоилов ва 1998 йилда туғилган, миллати ўзбек Муҳаммад Иброҳимжон Ниёзовлар ҳам бор. У “ушбу тармоқ тарафдори ва Туркиядаги ИШИД аъзоларига маъмурий ва логистик ёрдам кўрсатган”. Шунингдек, рўйхатга “2023-йил ўрталарида ИШИД жангарилари учун ўқув лагерини яратишда қатнашган” ўзбекистонлик Муҳаммадюсуф Алишер ўғли Мирзоев ҳам киритилган.
Шунингдек, рўйхатга киритилганларнинг тўртинчиси россиялик бўлиб, Адам Хамирзаев “ИШИДнинг Грузиядаги амири” ҳисобланади. У “ИШИД контрабанда тармоғига унинг фаолияти бўйича кўрсатмалар бериб келган”.
У рўйхатга гуруҳ таркибидаги етакчи сифатида қўшилган ва бу унинг ҳам мулки ва активларининг блокланиши ва музлатилишига олиб келади.