Шавкат Мирзиёев ва айни пайтда Ўзбекистонда бўлиб турган Юн Сок Ёль ўртасида кечган музокаралар якунлари бўйича ҳам 17 та муҳим ҳужжат имзоланди. Бу ҳақда Президент матбуот котиби маълум қилди.
Улар орасида “Ўзбекистондаги марказлашган иссиқлик таъминоти тизимларини модернизация қилиш бўйича ҳамкорлик” келишуви, “Ўта муҳим минераллар соҳасида шериклик тўғрисида” келишув ва “Жаҳон савдо ташкилоти доирасида ҳамкорлик” тўғрисидаги баённомалар бор.
Давлат ташрифи доирасида имзоланган хужжатлар куйдагилар:
•Иқтисодий тараққиёт ва ҳамкорлик жамғармаси билан ҳукуматлараро битим;
•Корея Экспорт-импорт банки ва Ҳюндаи Ротем компанияси билан тезюрар электр поездларини харид қилиш ва етказиб бериш тўғрисида битимлар;
•Корея Экспорт-импорт банки билан ўрта мактаблар учун фан, ахборот-коммуникация технологиялари ускуналарини етказиб бериш тўғрисида битим;
•«Тошкент Фарма Парк» инновацион фармацевтика кластери лойиҳасини амалга ошириш тўғрисида битим;
Ўзбекистон давлат хизматчилари салоҳиятини ошириш соҳасида ҳамкорлик тўғрисида битим;
•Ташқи ишлар вазирликлари ўртасида 2025–2027 йилларга мўлжалланган ҳамкорлик дастури;
•Жаҳон савдо ташкилоти доирасида ҳамкорлик тўғрисида баённома;
•Маданият соҳасида ҳамкорлик тўғрисида баённома;
•Транспорт соҳасида ҳамкорлик тўғрисида келишув;
•Ўзбекистон ҳудудларида марказлашган иссиқлик таъминоти тизимларини модернизация қилиш бўйича ҳамкорлик тўғрисида келишув;
•Ўта муҳим минераллар соҳасида шериклик тўғрисида келишув;
•Савдо-иқтисодий ҳамкорлик бўйича Ўзбекистон-Корея қўшма қўмитаси фаолиятини қўллаб-қувватлаш тўғрисида келишув;
•Малакали ва профессионал кадрлар тайёрлаш бўйича ҳамкорлик тўғрисида меморандум;
•Қишлоқ хўжалиги соҳасида ҳамкорлик тўғрисида меморандум;
•«Ўзсаноатқурилишбанк» АЖ билан Корея Экспорт-импорт банки ўртасида банклараро мастер-кредит линияси тўғрисида битим имзоланди.