Кеча, 22 ноябрь куни Индонезияда давом этаётган 17 ёшгача бўлган футболчилар ўртасидаги Жаҳон чемпионатининг нимчорак финал босқичида Ўзбекистон ўсмирлари футбол ватани бўлмиш Англия вакилларини 2:1 ҳисобида мағлубиятга учратди.
Шу муносабат билан Буюк Британиянинг Ўзбекистондаги Фавқулодда ва Мухтор элчиси Тимоти Смарт Ўзбекистон У-17 футбол терма жамоасини ўз ватани жамоасига қарши ўйинда ғалаба қозонгани билан табриклаб, Х (Twitter) саҳифасига твит ёзди.
“Ажойиб янгилик! Ўзбекистон У-17 футбол терма жамоасини Англияга қарши ўйинда ғалаба қозониб, чорак финалга чиққани билан табриклаймиз. Бу руҳни сақлаб қолинг”,
деган Англия элчиси.
Маълумот учун, Ўзбекистон терма жамоаси чорак финалда энди Франция-Сенегал жуфтлиги ғолиби билан тўқнаш келади.