«Афросиёб» чипталарининг нархи яна оширилмоқда
“Ўзбекистон темир йўллари” АЖ маълум қилишича, 15 майдан бошлаб «Афросиёб» электропоездларининг чипталар нархи эконом класс -20%, бизнес класс -30% ва ВИП класс -40%га ошмоқда.
Шу тариқа йил бошидан буён нархлар иккинчи марта кўтарилди.
20 январдан маҳаллий поездлар билетлари нархи ошиб, «Афросиёб» электропоездлари ҳамда «Шарқ», «Насаф» ва «Ўзбекистон» тезюрар поездларининг чипталари нархи 20 фоизга кўтарилганди.
Ўшанда «Афросиёб» электропоездлари билетлари нархлари қуйидагича этиб белгиланган:
Тошкент — Бухоро — Тошкент (нархлар фақат бир томон учун)
VIP — 636 минг сўм;
бизнес — 462 минг сўм;
эконом — 336 минг сўм.
Тошкент — Қарши — Тошкент
VIP — 534 минг сўм;
бизнес — 390 минг сўм;
эконом — 282 минг сўм.
Тошкент — Самарқанд — Тошкент
VIP 396 минг сўм;
бизнес 276 минг сўм;
эконом 204 минг сўм.
Нархларнинг кескин ошиши 2023 1 ноябрдан бошланганди ва йўловчи поездларида нархларнинг тариф қисми 44 фоизга, «Афросиёб» электропоездлариники эса 60 фоизга оширилган.
Хусусан, «Афросиёб» электропоездлари чипталари:
Тошкент — Бухоро — Тошкент йўналишида:
VIP 530 000 сўм;
Бизнес 385 000 сўм;
Эконом 280 000 сўм.
Тошкент — Қарши — Тошкент йўналишида
VIP 455 000 сўм;
Бизнес 325 000 сўм;
Эконом 235 000 сўм.
Тошкент — Самарқанд — Тошкент йўналишида
VIP 330 000 сўм;
Бизнес 230 000 сўм;
Эконом 170 000 сўм этиб белгиланди.
Бу вақтга қадар Тошкент-Қарши йўналишида ҳаракатланувчи «Афросиёб» поездининг эконом класс билети учун чипта 144 минг сўмдан сотилган эди.
Бу бир йилда нархларни қарийб 120% га ошганини кўрсатади. Ҳар учала ҳолатда нархлар электр-энергия, ёқилғи, логистика ва транспорт харажатларини қоплаш, шунингдек, янги юқори тезликда ҳаракатланувчи электропоездларни харид қилиш мақсадида оширилаётгани билан изоҳланган.