Раддияда Мурод Назаров ва унга тегишли “MUROD BUILDINGS” корхонаси аҳоли билан бўлаётган можаро, 2018 йилда Тошкент шаҳар ҳокимига ҳудудда қурилиш ишларини амалга оширмаслик бўйича ваъда берилса-да бугунги кунда қурилиш ишлари давом этаётгани ва ўзига тегишли корхонадан ўзи бу ерни сотиб олганига тўхтанилмаган.
Аввалроқ Uzdiplomat. uz сайти “Ниқоблилар ортида Мурод Назаров турибдими?” сарлавҳаси остида видеоматериал эълон қилган ва унда Юнусобод тумани 8-мавзе аҳолиси ва тадбиркор Мурод Назаровга тегишли корхоналар ўртасидаги келишмовчиликларни ёритган эди.
“MURАD BUILDINGS“ компаниясининг таъсисчиси Мурод Назаров Uzdiplomat.uz видеосига муносабат билдириб, Юнусободдаги ниқобланган шахсларнинг дарахтларни кесишига ҳеч қандай алоқаси йўқлигини билдирган.
MUROD BUILDINGS” компанияси ва Мурод Назаровнинг Юнусободдаги дарахтларнинг ноқонуний кесилишига ҳеч қандай алоқаси йўқ.
Бош Прокуратура ноқонуний дарахт кесган ҳуқуқбузарларнинг шахси тўлиқ аниқланиб, тегишли процессуал чора-тадбирлар амалга оширилгани ҳақида маълум қилган”,
деб муносабат билдирди.
Аммо Uzdiplomat.uz боғланган Бош прокуратура матбуот котиби Ҳаёт Шамсутдинов ҳозирда тергов олди текшириш ҳаракатлари давом этаётгани, шу сабабли тафсилотларни очиқлай олмаслигини билдирди.
Натижаси бўйича қўшимча хабар берилади”,
деди Шамсутдинов.
Эслатиб ўтамиз, Бош прокуратура мазкур ҳолат юзасидан назорат тадбири ўтказилаётгани ва дарахтларни нобуд қилган шахслардан ташқари ҳудудда қурилиш ишлари амалга оширишни режалаштирган хўжалик юритувчи субъектлар мансабдор шахсларининг хатти-ҳаракатларига ҳам ҳуқуқий баҳо берилиши таъминланишини маълум қилган эди.