Марказий Осиё давлатларига ташқи кучлар томонидан босим ўтказилмоқда. Бу ҳақда Ўзбекистон Президенти ҳузуридаги Хавфсизлик кенгаши котиби Виктор Маҳмудов Россияда бўлиб ўтаётган хавфсизлик масалалари бўйича олий вакилларнинг XII халқаро йиғилишида маълум қилди.
Хавфсизлик Кенгаши котиби Виктор Маҳмудовнинг таъкидлашича, ташқи кучлар Марказий Осиё давлатларининг миллий манфаатларини ҳисобга олмаган ҳолда танлашга мажбурламоқда.
“Марказий Осиё давлатлари ташқи кучлар томонидан тазйиққа учрашда давом этмоқда. Ўзбекистон Марказий Осиё минтақасига ташқи сиёсатнинг устувор йўналиши сифатида қарайди ва бу минтақада тинчлик, хавфсизлик ва ишонч маконини ўрнатиш бўйича фаол саъй-ҳаракатларни амалга оширмоқда. Aфсуски, бугунги кунда минтақа давлатларига босим давом этмоқда»
деган Маҳмудов.
Хавфсизлик кенгаши котиби Виктор Маҳмудов ташқи кучлар қайси эканлигига аниқлик киритмаган.
Маълумот учун, бугун, 25 апрель куни Санкт-Петербургда Эхпофорумдаги хавфсизлик масалалари бўйича олий вакилларнинг XII халқаро йиғилиши бўлиб ўтмоқда.
Унда МДҲга аъзо давлатлар Хавфсизлик кенгашлари котиблари терроризмга қарши биргаликда курашиш масалаларини муҳокама қилмоқда. Тадбирни Россия Хавфсизлик кенгаши котиби Николай Патрушев олиб боради.