Ўзбекистон Ташқи ишлар вазирлиги Украина мустақиллигининг 33 йиллиги муносабати билан табриклади. Табрик вазирликнинг «Х» ижтимоий тармоғидаги саҳифасидагина эълон қилинди.
«Украинадаги барча дўстларимизни Мустақиллик куни билан чин юракдан табриклаймиз!», — дейилган вазирликнинг «Х» тармоғидаги твитида.
Ушбу ҳолат бўйича Uzdiplomat.uz Ташқи ишлар вазирлиги билан матбуот котиби билан боғланганди.
Ўзбекистон дипломатик муносабатлар ўрнатган барча мамлакатларнинг мустақиллик кунларини Ташқи ишлар вазирлиги «Х» ва «Facebook» саҳифаларида доим табриклаб келган», деди Ташқи ишлар вазирлиги матбуот котиби Аҳрор Бурхонов.
Нега фақат «Х» тармоғига хабар жойланди, аммо вазирликнинг бошқа тармоқларга жойланмаганига сабаб эса, «Телеграм» хорижий мамлакатларда у даражада кўп фойдаланилмагани билан изоҳланади.
Озарбайжон Ташқи ишлар вазирлиги ҳам Украина мустақиллик кунини «Х» тармоғида табриклаган.
Бундан ташқари, Украина Мустақиллик куни муносабати билан АҚШ Президенти Жо Байден навбатдаги ёрдам пакетини Киевга туҳфа қилган.
Эслатиб ўтамиз, ўтган йили ҳам Ўзбекистоннинг Киевдаги элчихонаси Украинани 24 август куни нишонланадиган миллий байрами — Мустақиллик куни муносабати билан табрик йўллаган. Украин тилидаги табриги элчихонанинг Facebookʼдаги саҳифасида эълон қилинганди.
Сўнги бора 2022 йили элчихона сайтида Ўзбекистон президенти Шавкат Мирзиёевнинг Украина президенти Владимир Зеленскийга йўллаган табриги эълон қилинганди.