Озарбайжон, Қозоғистон, Қирғизистон ва Ўзбекистон, шунингдек, Тожикистон Республикаси Мудофаа вазирликлари ўртасида имзоланган қўшма режага мувофиқ, 11 июлдан бошлаб “Бирлик – 2024” тезкор-тактик қўмондонлик-штаб ўқув машғулотлари ўтказилади. Бу ҳақда Қозоғистон Мудофаа вазирлиги маълум қилди.
Қайд этилишича, минтақавий халқаро ҳарбий ўқув машғулотлари Манғистау вилоятида “Бирлестик-2024” бўлиб ўтади.
Ҳарбий манёврлар эса Оимаша полигонида, шунингдек, Токмак бурнидан икки километр узоқликдаги денгиз участкасида ўтказилади.
Қолаверса, 8 июлдан 17 июлгача ҳарбий контингентлар қуролли можарони маҳаллийлаштириш бўйича қўшма операцияни тайёрлайди ва ўтказади.
Машғулотларга 4 мингга яқин ҳарбий хизматчи ҳамда 700 тагача қурол ва ҳарбий техника жалб этилади. Тактик эпизодлар қуруқлик ва ҳаво разведка гуруҳлари, денгиз кучларининг махсус кучлари, армия ва фронт авиацияси экипажлари, ҳарбий кемалар ва катерлар, артиллерия экипажлари, ҳужум ва танк бўлинмалари иштирокида ўтказилади.
Қолаверса, машғулотлар доирасида маданий ҳордиқ чиқариш ва спорт тадбирлари ҳам ўтказилади.
Эслатиб ўтамиз, аввалроқ Uzdiplomat.uz сайтида «Туркий давлатлар бирлашган “Турон армияси”ни ташкил этиши мумкинми?» сарлавҳаси остида видеоматериал эълон қилинган эди.