Тошкент шаҳрининг Юнусобод туманидаги 2 та хонадонда кучли таъсир қилувчи моддаларни қадоқлаш ва сотиш билан шуғулланган яширин лаборатория фош қилинди. Маълум бўлишича яширин лабораторияда 2 млрд сўмлик кучли таъсир қилувчи моддалар топилган. Бу ҳақида божхона қўмитаси ахборот берган.
Тошкент шаҳрининг Юнусобод туманидаги 2 та хонадонда кучли таъсир қилувчи дори воситаларини қўлбола усулда тайёрлаш ва қадоқлашга мўлжалланган яширин лабораториялар ташкил қилингани фош бўлган. Хонадонда қиймати салкам 2,1 млрд сўмлик 56,5 кг.га яқин кучли таъсир қилувчи моддалар, 90 дона “Тропикамид”, 1020 дона “Регапен” кучли таъсир қилувчи дори воситалари, 15 минг дона “Регапен” бўш капсулалари ва 11 минг дона “Тропикамид”нинг бўш идишлари ҳамда 24 дона лаборатория жиҳозлари борлиги аниқланган.
Ҳозирда ушбу ҳолат юзасидан божхона органлари томонидан жиноят иши қўзғатилган.