Бугун, 28 июнь куни Эрон Ислом Республикасида ҳамда давлатнинг хорижий мамлакатларда очилган сайлов участкаларида навбатдан ташқари президент сайловлари бўлиб ўтди.
Ўзбекистонда вақтинча яшаб турган эронликлар мамлакатнинг Тошкентдаги элчихонасида очилган сайлов участкасига келиб, мамлакат президентлигига кўрсатилган 4 нафар номзоддан ўзлари хоҳлаган биттасини танлаб, овоз беришди.
Маълумот учун, Эрон Ислом Республикаси конституциясига кўра, президент вафот этган тақдирда 50 кун ичида навбатдан ташқари президент сайловлари бўлиб ўтиши белгиланган. Шунгача бўлган муддатда президентнинг биринчи ўринбосари вақтинчалик президент вазифасини бажарувчи сифатида фаолият кўрсатади.