Ўзбекистон даромади ўртадан паст бўлган мамлакатлар қаторидан жой олди. Бу ҳақда Жаҳон Банки 2023 йил якуни бўйича ҳисоботида келтирган.
Банк маълумотларига кўра, Ўзбекистон Ялпи Ички Маҳсулоти аҳоли жон бошига 2360 АҚШ долларига тўғри келган.
Марказий Осиё мамлакатларидан Қозоғистонда ЯИМ аҳоли жон бошида 10 940, Туркманистонда 7130, Афғонистонда эса 360 АҚШ долларига тўғри келади. Жаҳон Банки тақдим этган ҳисоботда Қирғизистон қайд этилмаган.
Маълумот учун Ўзбекистон 2008 йилдан буён даромади ўртача бўлган мамлакатлар қаторига кира олмай келади.
Эслатиб ўтамиз, Ўзбекистон Жаҳон банки томонидан юритиладиган “Халқаро таққослаш дастури”да илк бор расман иштирок этган эди.
2024 йил 31 май куни эълон қилинган дастурнинг 2021 йилги глобал босқичи натижаларига кўра, Ўзбекистон харид қобилияти паритети бўйича 2021 йилда:
- ялпи ички маҳсулот ҳажми 285 млрд АҚШ долларни;
- аҳоли жон бошига ялпи ички маҳсулот ҳажми 8 162 АҚШ долларни ташкил этган