Украинадаги 37 ёшли Никита Андреевич Склюев криптовалюта ўғирлаш мақсадида электрон алоқа воситалари орқали фирибгарлик фаолиятини амалга оширганликда айбланмоқда. Мазкур шахс АҚШ фуқаросининг 11,8 миллион долларлик криптовалютасини ўғирлагани учун Украинадан АҚШга экстрадиция қилинган.
АҚШлик адвокат Трини Россга кўра, у Валерий Дрожкин номи билан ҳам танилган. Бу айбловлар энг кўпи 20 йил қамоқ жазоси ва 250 минг доллар жаримани ўз ичига олади.
“Айблов хулосасига кўра, 2018 йил июнь ойида ўзбекистонлик эркак “EOSIO Wallent Explorer” компьютер дастури иловасини Apple Store дўкони орқали сотиш учун Apple га топширган.
“EOSIO Wallent Explorer” ўзини криптовалютаси ҳамёни сифатида кўрсатган, бироқ бу дастур криптовалюта фойдаланувчисининг шахсий калитини ўғирлаш учун мўлжалланган дастур бўлган. Шу орқали Скулевга фойдаланувчининг криптовалюта маблағларига кириш имконини берган”,
деган АҚШлик адвокат ёрдамчиси Дуглас Пенроуз.
Дугласга кўра, 2018 йил сентябрь ойида Нью-Йоркнинг Ғарбий округида яшовчи шахс “EOSIO Wallent Explorer” иловасини сотиб олди ва уни ўзининг iPhone русумли аппаратига ўрнатиб, шахсий маълумотларини киритганидан сўнг, Склюев жабрланувчининг криптовалюта ҳамёнига рухсатсиз кириш ҳуқуқига эга бўлган.
“Жабрланувчида тахминан 2 миллиондан ортиқ криптовалюта бўлган. Ўша пайтда унинг қиймати тахминан, 11,8 миллион долларга эга бўлган. 2018 йил 25 сентябрда Склюев АҚШ фуқаросининг ҳамёнидаги шахсий калитни ўзгартиради, натижада жабрланувчи ўз ҳамёнини бошқариш ва кириш ҳуқуқини йўқотади. 2019 йил февраль ойида Склюев ЭОС криптовалютасини жабрланувчининг ҳамёнидан унинг назорати остидаги бошқа кўплаб онлайн ҳамёнларга ўтказди”,
деган адвокат Дуглас Пенроуз.
Адлия департаментининг Халқаро алоқалар бошқармаси унинг ҳибсга олиниши ва экстрадиция қилинишини таъминлаш учун Руминия ва Украина расмийлари билан ҳамкорлик қилган.
“Никита Андреевич Склюев жинояти юзасидан суд ҳукми эълон қилинмагунча айбдор деб ҳисобланмайди. У 2024 йил 3 июль кунидаги судгача ушлаб турилади”,
дейилади АҚШ Прокуратурасининг хабарида.