Тўлқин Бобоқулов: Америкага қарши турган йирик мақомдаги давлатларнинг биринчиси Россия бўлса, иккинчи Хитой.
“Иккаласини бирлаштирувчи манфаатлар бор. Булар Украина масаласида Россиянинг АҚШ ва Ғарб давлатлари билан кучли зиддияти ҳамда Хитойнинг Тайван масаласида Ғарб ва АҚШ билан жиддий зиддияти борлигидир. Шунинг учун буларни иқтисодий жиҳатдан эмас, сиёсий жиҳатдан бирлаштириб турувчи омиллар жуда кучли. Айнан мана шу сабаблар туфайли ҳам Путин дастлабки ташрифини Хитойдан бошлади”,
деди иқтисодчи Тўлқин Бобоқулов.
Унинг сўзларига кўра, Россия Хитойнинг ташқи савдодаги асосий ҳамкори эмас, чунки Хитой ташқи савдо айланмасида Россиянинг улуши бор йўғи 4 фоиз.
“Агар Россия Хитойнинг ташқи савдо айланмасида 30 ёки 35 фоиз улуши бўлганида Хитой унга ёрдам бера олар эди. Шунинг учун Россия расмий Пекин билан имкон қадар сиёсий жиҳатдан яхши бўлмоқчи. У сиёсий масалаларни кўпроқ ҳал қилган”,
деди иқтисодчи..
Бобоқулвнинг айтишича, Путин инаугурация маросимидан кейин Хитойга ташрифида расмий Пекин билан рубль ва юандаги тўловларни амалга ошириш масаласини ҳам муҳокама қилган.
Иқтисодчи Тўлқин Бобоқулов билан суҳбатнинг тўлиқ шаклини Uzdiplomat.uz’нинг Youtube саҳифасида танишишингиз мумкин.