Туркия Буюк Миллат Мажлиси Раиси Нуман Куртулмуш туркий давлатларнинг келажакда муҳим глобал кучга айланишини маълум қилди.
У бу ҳақда Тошкентда Ўзбекистон Республикаси Олий Мажлиси Сенати раиси Танзила Норбоева биланбўлиб ўтган учрашув сўнггида оммавий ахборот воситалари вакилларига маълум қилган.
“Турк дунёси давлатлари ўзининг инсон ресурслари, табиий бойликлари ва чуқур тарихий ва маданий алоқалари туфайли янги куч марказига айланиш салоҳиятига эга. Бу жараённи тезлаштириш учун эса биргаликдаги саъй-ҳаракатларни амалга ошириш зарур.
Туркий дунёнинг бирлиги, ҳамжиҳатлиги ва тараққиёти албатта глобал тинчликка хизмат қилади. Биз ҳеч қачон глобал тинчликка ёки бошқаларга зарар этказиш орқали ривожланмаймиз. Ўрта Осиёдан Туркия ва Болқон ярим оролигача бўлган “Фируза ёйи” деб аталган бу улкан ҳудудда 300 миллион киши истиқомат қилади.
Ва бу дунёда янги мувозанатнинг, кучнинг шаклланишига ҳисса қўшади”,
деган у.
Маълумот учун, у Куртулмуш аввалроқ Ўзбекистон Президенти Шавкат Мирзиёев билан кўришган эди.
Эслатиб ўтамиз, Туркия Буюк Миллат Мажлиси Раиси Нуман Куртулмуш кеча, 22 май куни Ўзбекистонга келган ва уни Олий Мажлис палатаси спикери Нуриддин Исмоилов ҳамда Миллий Тикланиш Партияси Раиси Алишер Қодиров кутиб олган.