Ўзбекистон пойтахти Тошкент шаҳри 2023 йилда яшаш учун энг арзон шаҳарлар орасида 5-ўринни эгаллади. Бу ҳақда Economist Intelligence Unit (EIU) томонидан тузилган дунёдаги энг қиммат ва арзон шаҳарлар рейтинггида келтирилган.
Нашр дунёнинг 173 та йирик шаҳридаги 200 та маҳсулот ва хизматлар нархлари бўйича сўров ўтказиб, жами 400 дан ортиқ нархларини ўзаро таққослаган.
Унга кўра, дунёнинг яшаш учун энг арзон 10 та шаҳри қуйидагилар:
- Дамашқ, Сурия
- Теҳрон, Эрон
- Триполи, Ливия
- Карачи, Покистон
- Тошкент, Ўзбекистон
- Тунис, Тунис
- Лусака, Замбия
- Аҳмадобод, Ҳиндистон
- Лагос, Нигерия
- Ченнай, Ҳиндистон
Швейцария пойтахти Цюрих ва Сингапур эса дунёнинг энг қиммат шаҳарлари сафатида қайд этилди. Шунинг билан Сингапурнинг сўнгги 11 йил ичида нақд тўққизинчи марта Economist Intelligence Unit (EIU) рўйхатида дунёдаги энг қиммат шаҳар сифатида биринчи ўринни эгаллади. Қизиғи, 2022 йилда олтинчи ўринни эгаллаган Цюрих ҳам жорий йилда энг қиммат шаҳар сифатида Сингапур билан ёнма-ён турибди.
- Сингапур
- Цюрих
- Нью-Йорк
- Женева
- Гонконг
- Лос-Анжелес
- Париж
- Копенгаген
- Тель-Авив
- Сан-Франсиско
Бунда Сингапурнинг юқори рейтинги озиқ-овқат маҳсулотлари, спиртли ичимликлар, кийим-кечак ва шахсий автомобил эгалигидаги юқори харажатлар натижасидан келиб чиққан бўлса, Цюрихнинг кўтарилиши уй-рўзғор буюмлари ва кўнгилочар тадбирлар учун кўтарилган нархлар туфайли келиб чиққан.
Бундан ташқари, мазкур сўров шаҳарларнинг инфляция туфайли нархларнинг ошиши тенденциясини ҳам очиб беради. Бунда 200 дан ортиқ товар ва хизматлар нархи ўтган йилга нисбатан 7,4 фоизга ошган, бу ўтган йилги кўрсаткияларга қараганда бироз пасайган, аммо 2017 йилдан 2021 йилгача бўлган тенденциядан анча юқори.
Ўтган йили Сингапур билан биринчи ўринни бўлишиб олган Нью-Йорк шаҳри, Швейцсариянинг Женева шаҳри билан учинчи ўринни бўлишиб олди. АҚШнинг яна икки шаҳри яшаш учун дунёдаги энг қиммат шаҳарлар рўйхатининг биринчи ўнталигига кирди: Лос-Анжелес ва Сан-Франсиско.
Осиёда инфляция бошқа минтақаларга нисбатан пастроқ бўлишига қарамай, Осиёнинг яна бир шаҳри Гонконг қиммат ўнталикка кириб, бешинчи ўринни эгаллади.
Таъкидлаш жоизки, Ғарбий Европа озиқ-овқат ва кийим-кечакдаги инфляция ва валюта курсининг ўсиши билан ажралиб турди. Рўйхатдаги тўртта Европа шаҳри: Цюрих (2-ўринда), Женева (4-ўрин), Париж (7-ўрин) ва Копенгаген, Дания (8-ўринда).
Қолаверса, Тель-Авив яшаш учун энг қиммат 10 та шаҳар қаторига кириб, Копенгаген билан 8-ўринда қайд этди. Аммо сўров Исроил-Ҳамас урушидан олдин ўтказилган.
Шу сабабли EIU келгуси йилда инфляция пасайишини прогноз қилди. Аммо Исроил-Хамас можароси ва кутилмаган Эл Нино шароитларининг озиқ-овқат нархларига таъсири туфайли энергия нархининг ошиши мумкинлиги ҳақида огоҳлантирмоқда.