У Ўзбекистон билан ҳарбий ҳамкорлик пойдеворни мустаҳкамлаш учун Ўзбекистонда 28 апрелга қадар қўшма ҳарбий машғулот ўтказади.
Ҳиндистон Қуруқликдаги қўшинлари штаби бошлиғи Генерал Манож Панде бугун, 15 апрель куни расмий ташриф билан Ўзбекистонга келиши кутилмоқда. Ташрифдан кўзланган асосий мақсад эса ўзаро англашувни мустаҳкамлаш, умумий манфаатдор жиҳатлар бўйича фикр алмашиш ва икки давлат ўртасида мудофаа соҳасидаги ҳамкорликни мустаҳкамлашдан иборат.
Шунингдек, Сурхандарё вилоятининг Термиз шаҳрида Ҳиндистон ва Ўзбекистон ўртасидаги “ДЎСТЛИК” қўшма ҳарбий машғулотларининг 5-босқичи бўлиб ўтади.
Унда Ҳиндистон Қуролли Кучлари ва Ўзбекистон Республикаси Қуролли Кучлари контингентлари иштирок этиб, келажакдаги ҳарбий ҳамкорлик пойдеворини мустаҳкамлаш учун биргаликда машқ қилади. Генерал Манож Панде бошчилигидаги ҳарбий делегациянинг амалий ташрифи 28 апрелда якунланиши кутилмоқда.