Тошкент шаҳар ҳокими Шавкат Умрзоқовга икки нафар ўринбосар тайинланди. Бу ҳақда Тошкент шаҳар матбуот котиби хабар берди.
Тожиев Санжар Шуҳратович шаҳар ҳокимининг туризм, маданият, маданий мерос ва оммавий коммуникациялар масалалар бўйича ўринбосари этиб тайинланди.
Санжар Тожиев 1981 йил Тошкент шаҳрида туғилган. 2003 йилда Тошкент давлат Шарқшунослик университетинининг бакалавриат, 2006 йилда эса магистратура бўлимини тамомлаган.
Шу кунга қадар “Тhe Мob” МЧЖ да бош директор лавозимида ишлаган.
Бундан ташқари меҳнат фаолияти давомида, қатор масъулиятли лавозимларда, шу жумладан, Тошкент шаҳар Туризм ва маданий мерос бош бошқармаси бошлиғининг биринчи ўринбосари лавозимида ишлаган.
Хайдаров Бахтиёр Халимович Тошкент шаҳар ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари лавозимига тайинланди.
Шу кунга қадар у Ўзбекистон Республикаси Президенти Администрацияси Ижтимоий соҳада муҳим ташаббусларни ишлаб чиқиш бошқармаси бошлиғи лавозимида ишлаган.
Бахтиёр Хайдаров 1989 йилда Бухоро шаҳрида туғилган.
2010 йилда Тошкент молия институтининг бакалавриат, 2012 йилда магистратура йўналишларини тамомлаган.