Бугун Маданият вазирлиги «Yoshlar ijod saroyida» форум ўтказди. Унда Маданият вазири Озодбек Назарбеков ва ОАВ вакиллари иштирок этди.
Депутатликка номзодини қўйган О.Назарбековга Uzdiplomat.uz мухбири депутат сифатида сайлансангиз вазирлик лавозимидан кетиш ёки кетмаслиги ва нима учун сайловчилар Назарбековни депутатликка сайлаши кераклиги ҳақидаги саволлар берди.
Маданият вазири:
«Бугун Ўзбекистондаги ислоҳотларни текширадиган бўлсангиз, маданият соҳасида қонунчиликда бирмунча бўшлиқлар мавжуд. Шунинг учун Маданият вазирлиги ҳар ҳафта фармойиш чиқарамиз. Ўзимизнинг фаолиятимизни йўлга қўйиш учун ҳар ҳафта турли ҳужжатлар қабул қиламиз. Лекин бу майда деталларигача қонунда акс этиши, бу тизимни ислоҳ бўлишининг энг яқин йўли бўлади», дейди О.Назарбеков.
Шунингдек вазирнинг қайд этишича, қонунлар ишлаган жамият энг ривожланган жамият ҳисобланади.