Human Raights Watch – Халқаро Инсон Ҳуқуқлари Ҳимоячиси (HRW) бўйича кузатув ташкилоти Шольцни Марказий Осиёдаги саммитда иштирок этган биринчи Германия канцлери сифатида «тарих яратганини» айтиб, инсон ҳуқуқларини тарғиб қилишга чақирди. Бу ҳақда «Freedom radio» хабар берди.
Германия канцлери Олаф Шольц 15-сентабрь куни Ўзбекистонга келиб, миграция битими имзолаган. 16-17 сентабрь кунлари эса Қозоғистонда Марказий Осиё – Германия форматидаги иккинчи учрашуви бўлмоқда.
«Германия ҳукумати минтақада инсон ҳуқуқлари сезиларли даражада яхшиланмасдан Марказий Осиё билан яқинроқ алоқаларни амалга оширишга қодир эмас», деди HRW.
HRW ўз баёнотида минтақадаги доимий ҳуқуқлар масалаларини, шу жумладан » норозилик ва фикр билдиришни бостириш, фаолларни қамоққа олиш, ҳибсдаги қийноқлар, фуқаролик жамиятини таъқиб қилиш, аёлларга нисбатан зўравонлик, эркин ва адолатли сайловлар юзасидан муаммолар мавжудигини гапирди «.
Германия узоқ вақтдан бери Марказий Осиё билан энергетика алоқаларини ривожлантиришдан манфаатдор эди. Аммо Россиянинг Украинага кенг кўламли босқини Германия ва бошқа Европа давлатларини энергия ва минераллар импортини бошқа жойлардан излашга ундади.
Қозоғистон, Қирғизистон, Тожикистон, Туркманистон ва Ўзбекистон давлат раҳбарлари иштирокидаги ушбу ҳафталик саммитда иқтисодий ва ривожланиш бўйича музокаралар билан бирга энергетикага жиддий эътибор қаратилиши кутилмоқда.
Шунингдек, катта эҳтимол билан раҳбарлар Россияга қарши халқаро санкцияларни муҳокама қилиши айтилган.
Шольц Самарқанд шаҳрига келгач, Шавкат Мирзиёев билан учрашган. Соғлиқни сақлаш соҳасига эътибор қаратиб, ўзбекистонлик малакали ишчиларнинг Европа Иттифоқи мамлакатига саёҳат қилишига имкон берадиган миграция шартномасини имзолаган.
Маълумотларига кўра, » Германияда тахминан 13,700 ўзбекистонлик истиқомат қилади, уларнинг аксариятида қонуний яшаш учун рухсатнома бор.
«Бугун Самарқандда имзоланган миграция ва ҳаракатланиш тўғрисидаги келишувимиз билан биз истеъдодли одамларнинг мамлакатимизга киришига имкон яратмоқдамиз. Шунингдек, биз бюрократик бўлмаган жараёнларга содиқ қолдик», деб ёзган Шольц Х саҳифасида.
Остонада Шольц Қосим-Жомарт Тоқаев билан учрашди.
Россия ва Қозоғистон билан энергетик ҳамкорлик ривожланмоқда.
Қозоғистоннинг нефти ўтган йили Россиянинг Жанубий Татаристон вилоятидан Белоруссия ва Польша орқали Германияга 4000 километрлик «Дружба қувури» орқали Россияга юборилган.
Шольц бу қадамни Қозоғистон билан «икки томонлама ҳамкорликнинг янги йўналиши» деб баҳолади.