Ўзбекистонни 27 йил бошқарган Ислом Каримов 2016 йилнинг 2 сентябрь куни оғир хасталик сабаб 78 ёшида вафот этган эди. Бугун сана муносабати билан хотира тадбирлари ўтказилди.
Uzdiplomat.uz ҳам Ислом Каримов хотирасига бағишланган кун муносабати билан юртдошларимиз орасида сўровнома ўтказди. Кимдир уни «буюк инсон» деб эсласа, бошқалари “мамлакатни оёққа турғазган лидер» деб таъкидлади. Фикрлар хилма-хил, лекин у кўпчиликнинг хотирасида ўчмас из қолдирган.
Маълумот учун, Президентнинг 2017 йил 25 январдаги қарорига мувофиқ, Биринчи Президент хотирасини абадийлаштириш бўйича чора-тадбирлар амалга оширилган. Мамлакатдаги йирик мажмуалар, аэропорт, шаҳарлардаги марказий кўчаларга Ислом Каримов номи берилган. Тошкентда Ислом Каримов номидаги илмий-маърифий ёдгорлик мажмуаси ташкил қилиниб, Самарқандда мақбара барпо этилган эди.
Эслатиб ўтамиз, Ислом Каримов 1989 йил 23 июнда Ўзбекистон ССР компартияси Марказий қўмитаси Биринчи котиби этиб тайинланган. Шундан буён то вафот этгунга қадар Ўзбекистонни бошқарди.