Қозоғистон ва Тожикистон энергетика соҳасида ҳамкорлик бўйича музокаралар ўтказди.
Суҳбат чоғида Қозоғистон Энергетика вазирлиги раҳбари Алмасадам Саткалиэв Тожикистон томонининг электроэнергетика соҳасида ҳамкорлик қилиш ниятларини мамнуният билан қайд этган.
2023 йилда томонлар ўртасида Роғун ГEСи очиқ акциядорлик жамияти томонидан 2023-2032 йилларда ишлаб чиқарилган электр энергияларни етказиб бериш бўйича меморандум имзоланган.
«Меморандум доирасида Ўзбекистон Республикаси электр тармоқлари орқали электр энергиясини транзит қилишнинг техник имкониятлари ва келишилган режимларини ҳисобга олган ҳолда Роғун ГEСидан Қозоғистонга электр энергиясини экспорт қилишнинг техник параметрлари ва тижорат шартларини кўриб чиқиш режалаштирилган», — деган Алмасадам Саткалиев.
Бундан ташқари, Қозоғистон ва Тожикистон 2024 йил 15 октябргача Марказий Осиё давлатларининг манфаатдор ташкилотлари билан қўшни давлатлар энергетика тизимлари ўртасида режадан ташқари электр энергияси оқимларини тартибга солиш бўйича келишувлар тузиш имкониятларини ўрганишга келишиб олган.