«Telegram» асосчиси Павел Дуров Францияда қўлга олинганидан сўнг, мессенжернинг машҳурлиги кескин ошди. Дунё бўйлаб iOS қурилмаларига «Телеграм» юклаб олишлар сони бир сутка ичида 4 фоизга ўсди, деб хабар бермоқда «TechCrunch» нашри.
Францияда Дуровнинг мессенжери App Storeʼda ижтимоий тармоқлар категориясида биринчи ўринни эгаллади ва умумий иловалар рейтингида учинчи ўринга кўтарилди. АҚШдаги Apple иловалар дўконида «Telegram» 26 август куни ижтимоий тармоқлар ўртасида иккинчи ўринга чиқди, кейин учинчи ўринга тушди.
App Storeʼдаги энг яхши иловалар рейтингида (ўйинларни ҳисобга олмаган ҳолда) АҚШда Telegram 18-ўриндан саккизинчи ўринга кўтарилди, дея хабар беради «Appfigures» аналитик хизмати.
Эслатиб ўтамиз, Дуровнинг ҳибсга олиш муддати 28 августгача узайтирилди. Париж шаҳри прокурори «Telegram» асосчиси кибержиноят иши бўйича қўлга олинганини маълум қилди, Франция Президенти эса Дуров иши сиёсий характерга эга эмаслигини таъкидлади.