Ливандан 55 та ракетa отилганини Исроил Мудофаа кучлари аниқлаганини маълум қилган. Мудофаа кучларининг аниқлик киритишича, снарядларнинг бир қисми тутиб олинган. Қолган бир қисми эса Исроил шимолидаги очиқ жойларга тушган. Исроил ҳарбий-ҳаво кучлари ҳам Ливаннинг ракеталар учиш майдончаларига зарба берган. Бу ҳақда «Коммерсант» хабар берди.
«Ҳозирги вақтда Исроил ёнғин хавфсизлиги ва қутқарув хизматлари снарядлар туфайли Исроил шимолидаги бир қанча ҳудудларда содир бўлган ёнғинларни ўчириш устида ишламоқда», — дейилади Исроил армияси матбуот хизмати хабарида.
20 августга ўтар кечаси Исроил ҳарбий-ҳаво кучлари Ливан жанубидаги Дайр ҳудудига ҳужум қилди.
Маълумотларга кўра, ҳужумда Ливан «Ҳизбуллоҳ» ҳаракатининг ракета бўлинмаси қўмондони Ҳусайн Али Ҳусайн ҳалок бўлган. Ҳизбуллоҳ унинг ўлимини тасдиқлади. Ливан Соғлиқни сақлаш вазирлиги ҳам ўққа тутилиши натижасида 9 киши ҳалок бўлган.