Мактабгача ва мактаб таълими вазири Ҳилола Умарова аниқ сонини айтолмади.
2021 йилда Ўзбекистонда олий тоифали ўқитувчиларнинг маоши 1000 долларга етказилиши ҳақида айтилган эди. Аммо орадан 3 йил ўтган бўлсада Ўзбекистонда ўқитувчилар энг кам маош олувчи касб эгалари бўлиб қолмоқда. Хўш, бугун мамлакатда неча нафар ўқитувчи 1000 доллар маош олади?
Ушбу савол билан Uzdiplomat.uz Мактабгача ва мактаб таълими вазири Ҳилола Умаровага юзланди.
Унинг айтишича, бугун Ўзбекистонда 1000 долларгача ва ундан ортиқ маош олаётган ўқитувчилар бор.
“Агар ҳақиқий таҳлил қиладиган бўлсак 7 йил ичида ойликлар оширилди. Ҳозирги кунда албатта тоифа тизимида ҳам имкониятлар ҳам бериляпти. 1000 долларгача ойлик олаётган устозларимиз ҳам бор, ундан ошиқ олаётганлар ҳам. Яъни бу шундай тизим, устозларимиз ҳаракатига қараб ўша сертификат берилади ва маош шунга кўра ошади. Мана, куни кеча ҳурматли Президентимиз бошчилигидаги йиғилишда ҳам, бу масала кўтарилди. Таклифлар ишлаб чиқилиб Молия вазирлиги билан биргаликда ишлаяпмиз”,
деди деди Ҳилола Умарова.