Асли ўзбекистонлик бўлган миллиардер Фаттоҳ Шодиевнинг жияни Орифжон Шодиевга тегишли 960 гектар ер Қозоғистон Миллий банкига қайтарилди
Бундай қарорни Олмаота прокуратураси суд ҳужжатлари ва ҳукмларни таҳлил қилиб, қабул қилди, дейилган прокуратура хабарида.
Жавобгар – тугатилган Capital Bank Kazakhstan ва AsiaCreditBank банкларининг ягона эгаси ва акциядори олигарх Шодиевнинг қарзи 15 миллиард тенгедан (3344643,41 USD) ортиқни ташкил қилган.
Миллий банк манфаатларидан келиб чиқиб, ер олди-сотди шартномалари ҳақиқий эмас деб топилган.
Шодиев мамлакатнинг энг бой тадбиркорлари рўйхатида эди. 2023 йил июль ойида у «Ҳокимият ваколатини суиистеъмол қилиш» моддаси бўйича айбланиб 1 йил 6 ойга озодликдан маҳрум қилиш жазоси тайинланган эди.
Тадбиркор ўз ваколатини суиистеъмол қилиб, Asia Credit Bankʼга 16 миллиард тенге (тахминан 36 млн АҚШ доллари) миқдорида зарар етказганликда айбдор деб топилган.
Орадан бир ой ўтгач, яъни август ойида эса Олмаота суди Шодиевга нисбатан ҳукмни ўзгартирди ва олигарх ва унинг ёрдамчиси Михаил Соловёвга нисбатан жазо эркинликни чеклашнинг реал муддатидан назорат остида эркинликни чеклашга алмаштирилган.
2023 йил декабрда Шодиевнинг вакиллари қарзнинг 6 миллиарди узилганини ва 9.9 миллиард тенге қолганини маълум қилишган.
Маълумот учун, Миллиардернинг қариндошлари Ўзбекистон ҳукуматида ҳам ишлайди. Тез орада улар ҳақида материалимиз билан танишасиз.