Исроилнинг янги тайинланган Фавқулодда ва Мухтор Элчиси Гидеон Лустиг Ўзбекистондаги дипломатик миссиясини бошламоқда. Бу ҳақида элчихона матбуот хизмати хабар берди.
«Халқаро муносабатларда катта тажрибага эга ва икки томонлама ҳамкорликни ривожлантиришга содиқ бўлган Гидеон Лустиг мамлакатларимиз ўртасидаги шериклик муносабатларини мустаҳкамлашга тайёр» – дейилади хабарда.
Лустиг Ўзбекистон билан бир вақтда Тожикистон Республикасида ҳам норезидент элчи сифатида фаолият олиб боради.
У Тошкентда иш бошлаганидан сўнг «Ғалаба боғида» жойлашган Иккинчи жаҳон уруши йилларида Ўзбекистонда яҳудийларнинг бошпана топишга бағишланган монументни зиёрат қилган.
Бундан ташқари, у Ўзбекистонда яҳудий жамоалар раҳбарлари билан учрашган.
«Тошкентдаги биринчи ҳафтамдаги устувор вазифалардан бири маҳаллий яҳудий жамоалари раҳбарлари билан учрашиш эди. Владимир Шапира ва Аркадий Исахаровга илиқ қабул учун миннатдорчилик билдираман. Яҳудий жамоалари мен учун ҳар доим уйдан ташқари уйдир,» — деган Гидеон Лустиг