Рақамли технологиялар вазирлиги яна 10 та электромобил сотиб олади, аввалроқ 7 дона «BYD Song Plus Champion Edition» харид қилган эди.
Рақамли технологиялар вазирлиги ҳузуридаги «Дастурий маҳсулотлар ва ахборот технологиялари технологик парки» жами 2,7 млрд сўмга 9 дона электромобиль харид қилмоқда.
Вазирлик ҳузуридаги яна бир ташкилот аввалроқ қарийб 3 млрд сўмга 7 дона «BYD Song Plus Champion Edition» транспорт воситаларини сотиб олган эди.
Ҳужжатларга кўра, Рақамли технологиялар вазирлиги мамлакатни минтақавий «IT-HUB»ra айлантириш доирасида 2030 йилга қадар IT-хизматлар ва дастурий маҳсулотлар экспорти ҳажмини 5 миллиард АҚШ долларига (шу жумладан, 2024 йилда 1 миллиард АҚШ долларига) етказиш, IT-парк резидентлари сонини 10 баробар ошириш, улар томонидан кўрсатилган хизматлар ҳажмининг ялпи ички маҳсулотдаги улушини 2,2 фоизга етказиш ва уларда яратилган иш ўринлари сонини 100 мингтага етказиш бўйича мақсад белгиланган.
Вазирлик uzdiplomat.uz’га берган интервьюсида 2023 йилда 344 млн АҚШ долларига тенг IT дастурларини хорижга экспорт қилганини маълум қилган.