Uzdiplomat.uz «Уни танийсизми?» лойиҳаси орқали раҳбарларнинг халққа қай даражада таниш экани ҳақида сўровнома ўтказмоқда.
Лойиҳанинг бу галги қаҳрамони Ўзбекистон бош вазири Абдулла Арипов.
Оддий муҳандисликдан ҳукумат раҳбари лавозимигача кўтарилган, бир неча юқори мансабларни эгаллаган, медиада ҳам тез-тез кўриниш бериб турадиган амалдор Абдулла Ариповни одамлар қанчалик яхши билади?
Сўровномада қатнашганлар Абдулла Ариповни ҳоким, Олий таълим вазири, Президент маслаҳатчиси ҳамда дипломат бўлса керак деб айтишди.
”Бу кишини танийман дипломат бўлса керак, турмуш ўртоғим кўрсатганлар”
деди аёл.
Шунингдек, сўровномада қатнашган бошқа бир иштирокчи Ариповни Расул Кушербоев билан адаштирди.
«Расмдаги инсон Расул Кушербоев бўлади. Бу кишини танийман»
деди респондент.
Яна бошқа бир иштирокчи эса Бош вазир Абдулла Ариповни билмаслигини аммо шоир Абдулла Ориповни танишини айтди.
«Абдулла Ориповни танийман. У Қашқадарёлик ёзувчи, шоир. Лекин вазирни танимас эканман»,
деди сўровнома иштирокчиси.
Бошқа бир қатнашчи эса, Ариповни танишини, ҳатто Бош вазир бўлишидан олдинги фаолиятини ҳам билишини билдирди.
«Абдулла Орипов ҳозир Бош вазир. Олдин Алоқа вазирлигида ҳам ишлаганлар», деди респондент.
деди респондент.
Абдулла Ниғматович Арипов дастлабки меҳнат фаолиятини 1983-1992 йилларда Тошкент телефон-телеграф станциясида 1-тоифали муҳандис лавозимидан бошлаган.
Фаолияти давомида Алоқа вазирлигида бош мутахассис, Ўзбекистон почта ва телекоммуникация агентлиги бозор ислоҳотлари ва қимматли қоғозлар бўлими раҳбари, Почта ва телекоммуникацияларни ривожлантириш Давлат фондини раиси, Бош вазир ўринбосари каби вазифаларда ишлаган.
2002 йил Арипов Ўзбекистон бош вазирининг ўринбосари – Алоқа ва ахборотлаштириш ва телекоммуникация технологиялари комплекси раҳбари этиб тайинланган.
2005-2009 йилларда Ўзбекистон алоқа ва ахборотлаштириш агентлигига раҳбарлик қилган.
2012 йил бош вазир ўринбосари, Ахборот тизимлари ва телекоммуникациялар мажмуасига раҳбарлик қилган.
2016 йил 16 декабрдан Ўзбекистон Республикаси Бош вазири лавозимига тайинланган.
Маълумот учун, Абдулла Орипов 2012 йилдаги Гулнора Каримова билан боғлиқ муаммолар сабабли ҳукуматдан узоқлашган.
Бундан ташқари у шу йилнинг ўзида «Уздунробита» («МТС-Узбекистан» бренди) компаниясига қўшимча ретрансляторлар ўрнатиш учун ноқонуний рухсатномаларни бериш айблови билан хам қамалган.
Хўш, сиз-чи Бош вазир Абдулла Ориповни танийсизми?
Эслатиб ўтамиз, Uzdiplomat.uz да аввалроқ Бахтиёр Саидов, (https://www.youtube.com/watch?v=3sb7gzDXT8E) Алишер Қодиров, (https://www.youtube.com/watch?v=IVwP2NRygHM) Очилбой Раматов, Шуҳрат Ғаниев, (https://youtu.be/S9SqVz2PaW8?si=AjvLVNb8pxEmrsHP)Азиз Абдуҳакимов (https://youtu.be/vdvHAlJzVF4?si=wh-3gnJyziMKzjRu) ҳақида сўровнома ўтказгандик.