Ўзбекистон ва Қозоғистон фуқароларига ўз шахсий гувоҳномалари ёрдамида ўзаро саёҳат қилишга рухсат берилиши мумкин. Бу ҳақда Ўзбекистон Президентининг ташқи сиёсат масалалари бўйича махсус вакили Абдулазиз Комилов маълум қилган.
Бугунги кунга қадар Ўзбекистон ва Қозоғистон фуқаролари ўртасида визасиз режим мавжуд эди, аммо икки давлат фуқаролари фақат хорижга чиқиш паспорти билан ўтишлари мумкин бўлган.
«Бугунги кунда Ўзбекистон ва Марказий Осиё давлатлари ўртасидаги чегараларни ҳақли равишда дўстлик ва яхши қўшничилик кўприги, деб аташ мумкин. 2023 йил 1 сентябрдан бошлаб ички ҳужжат –фуқаро ID-картасини тақдим этган ҳолда Ўзбекистон-Қирғизистон чегарасини кесиб ўтиш тартиби амал қилаётгани бунинг тасдиғидир. Худди шундай лойиҳа Қозоғистон томони билан ҳам муҳокама қилинмоқда», — деган Абдулазиз Комилов.
Маълумот учун, 9 август куни Остонада бўлиб ўтган Марказий Осиё саммитида минтақада миллий ID-карталарини ўзаро тан олиш ва «Бир тур- бир минтақа» тамойили асосида оммавий туристик маҳсулотларни ишлаб чиқишни таклиф қилинган.
Абдулазиз Комиловга кўра, Ўзбекистон Қирғизистон ва Тожикистон билан чегараларни тавсифлашда сезиларли ютуқларга эришган. Бугунги кунда Ўзбекистон чегара умумий узунлигининг 90 % фоиздан зиёд қисми бўйича юқоридаги мамлакатлар билан келишувга эришган.