Лотереялар ва таваккалчиликка асосланган ўйинлар сабаб бир йилда Ўзбекистон аҳолисининг 300 миллион доллардан 1 миллиард долларгача маблағи хорижга чиқиб кетмоқда.
Бу ҳақда Миллий матбуот марказида бўлиб ўтаётган матбуот анжумани давомида Истиқболли лойиҳалар миллий агентлиги бошқарма бошлиғи Нодиржон Жўраев маълум қилди.
“Аммо бу аниқ ҳисоб-китоб эмас, тахмин. Президентнинг 381-сон қарорига кўра, Ўзбекистон Республикасида чиқарилган пластик карталардан қимор учун пул тўлаш тақиқланган. Яъни виза ва мастеркард тизимларида ҳар бир тўловнинг махсус кодлари бор. Агар фуқаро қимор учун пул тўламоқчи бўлса, бу ҳақда хабар берилади. Бизга яна шундай ваколат берилганки, агар онлайн қимор ташкиллаштирилса, улар биз томонимиздан блокланади”,
деди Жўраев.
Унинг айтишича, афсуски, ҳозирда Ўзбекистонда 300 тадан ортиқ шундай сайтлар фаолият юритмоқда.
Биз уларни блоклаган тақдирда ҳам эртага яна пайдо бўлиб қолаверади», деди у.