Тизим эшикларидан бирин кетин сўроқ қилинганларнинг ўлиги чиқаётган бир пайтда Ички ишлар вазирлиги амалдори Зокир Алматов неварасининг тўйига гонарари тахминан 1 млрд сўм бўлган россиялик қўшиқчини таклиф қилди.
Ички ишлар вазири маслаҳатчиси генерел-полковник неварасининг тўйига россиялик машҳур хонанда Jah Khalib таклиф этилгани ижтимоий тармоқларда тарқалмоқда.
Видеоларга кўра, ушбу тўйда Jah Khalibдан ташқари ўзбек шоу-бизнеси юлдузлари Муниса Ризаева, Севара Назархон, Малика Равшанова ва бошқа машҳур санъаткорлар ҳам қатнашган.
Очиқ маълумотларга кўра, асли қозоғистонлик санъаткор Jah Khalib тўй ва бошқа тадбирларга ташриф буюриш минимал суммаси 5 миллион рубль — 714 285 714 сўмдан бошланади.
Эслатиб ўтамиз, жорий йилнинг 7 июль куни Навоийда ўнга яқин киши, жумладан ИИБ терговчиси бир йил аввал вояга етмаган қизни зўрлагани маълум бўлди.
5 июль куни эса Риштонда ИИБ хонасида ҳушини йўқотган фуқаро иши ортидан ходимларга хизмат текшируви тайинланди.
26 июнь куни эса Бекободдаги ИИБ биносида вафот этгани айтилаётган фуқаро иши доирасида бир ходим қамоққа олингани хабар қилинган эди.
Маълумот учун, Алматов Зокир Алматович 1949 йил 10 октябрда Тошкент вилояти, Қибрай туманида туғилган.
У 1991—2006 йилларда Ўзбекистон Ички ишлар вазири сифатида фаолият юритган. 2018 йил 24 февралдан бошлаб эса Ўзбекистон Республикаси Ички ишлар вазирининг маслаҳатчиси лавозимида ишлаб келмоқда.
У айни пайтда қамоққа олинган кўча безориларини (ворзакон) бир неча йил олдин «Ўзбекистон спортчиларининг Олимпиадага чиқишига асосий сабабчи бўлган қаҳрамонлар» дея атаган эди.