Амалдорнинг 172 та савдо дўкони, 14 та хонадони, 43 та автомашинаси ва 37 та бошқа кўчмас мулклари зарарни ундириш учун хатланган эди.
Олий суд матбуот котиби Жиззах вилоят ҳокими ўринбосарининг озодликка чиққанини рад этди.
Тармоқларда Жиззах вилояти ҳокимининг қамоқдан озод этилгани ҳақида хабарлар тарқалмоқда. У 2021 йилда миллиардлаб маблағларни ўмаргани учун 7,5 йилга қамалган эди. Унга қонуний жазо беришни Мирзиёевнинг ўзи талаб қилган.
Олий суд мутбуот котиби Азиз Абидов ҳамда Жиззах вилоят ички ишлар бошқармаси Акром Раҳмонқуловнинг озодликка чиққани ҳақидаги ҳабарларни рад этди.
Азиз Абидовнинг Uzdiplomat.uz’га маълум қилишича, Раҳмонқулов айни пайтда Тошкент вилоятидаги манзил-колонияда жазо ўтамоқда.
Жиззах вилояти ҳокимининг собиқ ўринбосари Акром Раҳмонқулов 2021 йилда суд ҳукми билан 7,5 йилга қамалган эди. Собиқ ҳоким ўринбосарига тегишли корхоналарда 12 млрд сўм, Жиззах шаҳридаги “Эски шаҳар” буюм бозорида қурилган 172 та савдо дўкони, кўп қаватли уйларда 14 та хонадон, 43 та автомашина, 37 та бошқа кўчмас мулклар борлиги аниқланиб, зарарни ундириш учун хатланган.
Маълумот учун, Акром Раҳмонқулов Жиззахда кўп қаватли бино қулашида айбдор, деб топилган. Раҳмонқуловнинг қариндошлари ижтимоий ва бошқа соҳа объектларини қуриш бўйича бир неча юз миллиард сўмлик давлат буюртмаларини қўлга киритгани, унинг ўзи эса қариндошлари ютган тендерларда комиссия раҳбари сифатида қатнашгани маълум бўлганди.
Шу сабабли Президент Шавкат Мирзиёев Раҳмонқуловни сиёсатга хиёнатда айблаб, унинг “бутун тўдасига қонуний жазо белгилаш”ни талаб қилганди.