Ўзбекистонда “Notcoin” сабабли қамалган 24 ёшли йигит ҳақидаги хабарлар дунё бўйлаб тарқалди ва кенг муҳокамаларга сабаб бўлмоқда.
- “Қандай сюрреализм? Бу дунё қаёққа қараб кетяпти?” дея изоҳ қолдирган Эдуард Заятс исмли фойдаланувчи.
- “Ўзбекистонда инсон ҳуқуқларини чеклаш даражаси бошқа мамлакатларга қараганда юқори” дея ёзган бошқа бир фойдаланувчи.
Ҳатто “Twitter” ижтимоий тармоғида “Notcoin” сотиб қамалган бола ҳақидаги хабар остида, расмий “Notcoin” саҳифаси “У болани қанақа қилиб топиш мумкин? Унга янги iPhone юборишга тайёрмиз” дея изоҳ қолдирган.
Термиз давлат университетининг 24 ёшли битирувчисига ноткоин сотгани учун 10 кунга маъмурий қамоқ жазоси қўлланилган эди. У крипто-активлар айланмаси соҳасидаги қонунчиликни бузганликда айбли, деб топилган ва Samsung Galaxy A30 телефони мусодара қилинган.
Судда сурхондарёлик талаба йигит бу иши ноқонуний эканини билмаганини таъкидлаган.
Маълумот учун, Ўзбекистон қонунчилигига кўра, криптоактивларни қонунга хилоф равишда олиш, ўтказиш ёки айирбошлаш, белгиланган тартибда лицензия олмасдан криптоактивлар айланмаси соҳасидаги хизматлар провайдерлари фаолиятини амалга ошириш тақиқланади. Бу жавобгарлик 2024 йил бошида жорий қилинган.