Дори-дармон ва биологик фаол қўшимчалар рекламаси жорий йилнинг 1 июлидан эътиборан Соғлиқни сақлаш вазирлиги хулосаси асосида эфирга узатилиши кўзда тутилган. Рақобат қўмитаси дори рекламаларида қонунда кўзланган қоидалар бузилиб келинаётганини аниқлади.
Бир ой давомида вазирлик дорилар рекламасига эътиборсизлик қилиб келганми?
Рақобат қўмитаси Ўзбекистондаги давлат ва нодавлат телеканалларида 30 дан ортиқ реклама қоидалари мунтазам бузилиб келинаётганини аниқлади.
Қўмитанинг uzdiplomat.uz’га берган маълумотларига кўра, дори воситалари, биологик фаол қўшимчалар рекламасида, эфир вақтининг реклама билан мутаносиблигида реклама талаблари қатор телеканалларда бузиб келинмоқда.
Шунингдек, дори воситаларини реклама қилишда ҳамон машҳур шахслардан фойдаланилмоқда. Концерт дастурлари рекламасида фонограмма қўлланилиши огоҳлантирилмаяпти.
Юқоридагиларни инобатга олган ҳолда Қўмита томонидан рақамли телевидение хизматларини кўрсатувчи провайдерларга (телерадиоканаллар) кўрсатма хати юборилган.