Dori-darmon va biologik faol qo‘shimchalar reklamasi zhoriy yilning 1 iyulidan e’tiboran Sog‘liqni saqlash vazirligi xulosasi asosida efirga uzatilishi ko‘zda tutilgan. Raqobat qo‘mitasi dori reklamalarida qonunda ko‘zlangan qoidalar buzilib kelinayotganini aniqladi.
Bir oy davomida vazirlik dorilar reklamasiga e’tiborsizlik qilib kelganmi?
Raqobat qo‘mitasi O‘zbekistondagi davlat va nodavlat telekanallarida 30 dan ortiq reklama qoidalari muntazam buzilib kelinayotganini aniqladi.
Qo‘mitaning uzdiplomat.uz’ga bergan ma’lumotlariga ko‘ra, dori vositalari, biologik faol qo‘shimchalar reklamasida, efir vaqtining reklama bilan mutanosibligida reklama talablari qator telekanallarda buzib kelinmoqda.
Shuningdek, dori vositalarini reklama qilishda hamon mashhur shaxslardan foydalanilmoqda. Konsert dasturlari reklamasida fonogramma qo‘llanilishi ogohlantirilmayapti.
Yuqoridagilarni inobatga olgan holda Qo‘mita tomonidan raqamli televidenie xizmatlarini ko‘rsatuvchi provayderlarga (teleradiokanallar) ko‘rsatma xati yuborilgan.