O‘zbekiston prezidenti hali Qozog‘istonga qilgan tashrifini yakunlamagan bir vaqtda, Toshkent ko‘chalarida Yaponiya bosh vaziri tashrifiga tayyorgarlik boshlanib ketgan. Yaponiya bosh vaziri Fumio Kisida 9-12 avgust kunlari O‘zbekiston, Qozog‘iston va Mo‘g‘ulistonga tashrif buyurishi kutilmoqda. Shu vaqtda Rossiya TIV rasmiysi Mariya Zaxarova Fumio Kisidaning Markaziy Osiyoga qilazhak tashriflaridan xavotirda ekanligini bildirdi.
Rossiya Tashqi ishlar vazirligi rasmiy vakili Mariya Zaxarova Yaponiya bosh vaziri Fumio Kisidaning Markaziy Osiyo davlatlariga boshlanazhak tashrifini qoraladi. Fumio Kisida 9-12 avgust kunlari O‘zbekiston, Qozog‘iston va Mo‘g‘uliston davlati rahbarlari bilan yakkama-yakka uchrashuvlar o‘tkazadi. Tashrif chog‘ida bosh vazirga ellikdan ortiq investor, tadbirkorlar hamrohlik qilishi aytilgan.
Shuningdek, Yaponiya bosh vaziri Markaziy Osiyoni Kaspiy transport yo‘lagi bilan bog‘lash choralarini muhokama qilishi ham aytilgan.
Mariya Zaxarovaning rasmiy bayonotida bosh vazirning tashrifi ortida iqtisodiy manfaatlar emas, AQShning qistovi turgani aytiladi. Zaxarova aytishicha, Yaponiya Rossiyaning yillar davomida mintaqada shakllangan iqtisodiy munosabatlarini buzishga urinmoqda. Unga ko‘ra, Yaponiya Markaziy Osiyo davlatlari G‘arbning “Rossiya va Xitoyga qarshi” bo‘lgan g‘oyalariga “og‘dirmoqchi”.