Антониу Гуттериш 29 июнь куни Марказий Осиё давлатларига ташриф буюради. Унинг сафари Ўзбекистондан бошланади. Шунингдек, Қирғизистон, Қозоғистон, Тожикистон ва Туркманистонга боради. Бу ҳақда Бош котибнинг матбуот котиби Стефан Дюжаррик Нью-Йоркдаги брифингда маълум қилган.
Унга кўра, БМТ Бош котиби ҳар бир давлатнинг раҳбарлари ва бошқа юқори мартабали ҳукумат вакиллари билан учрашади, шунингдек, иқлим ўзгаришига қарши курашга оид лойиҳалар билан танишади ва маҳаллий фаоллар билан мулоқот қилади.
Бундан ташқари, Антониу Гуттериш 4 июль куни Остона шаҳрида ўтказиладиган Шанхай Ҳамкорлик Ташкилоти саммитида иштирок этади.
Гутерриш ўз нутқида БМТ Низоми ва Инсон ҳуқуқлари умумжаҳон декларациясига асосланган кўп томонлама тамойилларга содиқлигини яна бир бор тасдиқлаш заруриятини кўтармоқчи. У бу саъй-ҳаракатларнинг марказида тинчлик бўлиши кераклигини таъкидлайди.
БМТ Бош котиби шунингдек, халқаро ҳамжамиятни геосиёсий тафовутлар умумий таҳдидларни, жумладан, иқлим ўзгаришига қарши курашни самарали ҳал қилишга имкон бермаслигидан огоҳлантириш ниятида.
Унинг Марказий Осиёга ташрифи 7 июлда якунига етади