Ўзбекистон жорий йилда матбуот эркинлиги бўйича тузилган рейтингда 180 та давлат ичидан 148-ўринни эгаллади. Халқаро майдонда Ўзбекистондаги сўз эркинлиги паст баҳоланаётган бир пайтда мамлакатда журналистика ривожланяптими, ёки орқага кетяптими?
Uzdiplomat.uz мухбири шу савол билан Оммавий ахборот вакилларига юзланди.
Сўровнома жавоблари турлича бўлди:
“Ўзбекистонда журналистика ривожланяпти дейишга ҳали вақт бор. Чунки ОАВ вакилларига қўйилаётган тўсиқлар тўлиқ тугатилмади”;
“Ҳамма журналист ижод қиляпти, фақат маълумот берганда кечга қолмаслик керак”;
“Журналистика ривожланяпти, чунки ҳамкасбларимиз ўзининг позицияларига эга бўлиб бормоқда. Бунинг сабаби миллий контент яратиляпти”;
“Яқиндагина “Чегара билмас мухбирлар” номли ташкилотнинг рейтинги эълон қилинди. Ўзбекистон бу рейтингда 11 поғона пастлади. Шундан келиб чиқиб гапирадиган бўлсак, ривожланиш орқага кетяпти”;
“Қайсидир маънода ривожланяпти, яна қайсидир маънода ривожланмаяпти. Ўзаро ҳамжиҳатлик ва профессионаллик ўсиши ҳамда эркинликлар кўпайтирилиши керак”.
Эслатиб ўтамиз, аввалроқ Uzdiplomat.uz Ўзбекистоннинг “Чегара билмас мухбирлар” рейтингидаги ўрни бўйича масъулларни сўроққа тутган эди.