Аввалроқ Uzdiplomat.uz Ҳиндистоннинг Бангалор шаҳрида ўзбекистонлик аёлнинг жасади топилгани ҳақида хабар берган эди. “Дунё” ААнинг хабар беришича, Ўзбекистоннинг Ҳиндистондаги элчихонаси мазкур ҳолатни ўз назоратига олган.
Қайд этилишича, вафот этган аёл 1997 йил Қашқадарё вилоятида туғилган.
“Дипломатик миссиясининг консуллик бўлими ушбу жараённи ўз назоратига олган. Элчихона томонидан зарур консуллик-ҳуқуқий ёрдам кўрсатилишини ташкил этиш мақсадида марҳуманинг оила аъзолари билан алоқа ўрнатиш чоралари кўрилмоқда”, – дейилади хабарда.
Ўзбекистоннинг Деҳлидаги элчихонаси Бенгалор шаҳри полицияси идораси вакиллари билан тезкор тарзда алоқа ўрнатган ва ҳолат бўйича ойдинлик киритиш ҳаракатларини амалга оширмоқда.
Шунингдек, элчихона ушбу воқеа юзасидан маълумотларга эга бўлганлардан дипмиссия консуллик бўлимига мурожаат қилишларини сўраган.